Непотребни операции, заштитени клиники: Државата знае , но молчи

Странска комисија утврди сомнителни наоди кај девет од 13 анализирани пациенти поврзани со наводно непотребни операции. Министерот за здравство Азир Алиу ги објави резултатите , но прашањата за приватни клиники и одговорноста сè уште остануваат без јасен одговор.

Наодите на комисијата: четири нормални, девет сомнителни

Министерот за здравство Азир Алиу денеска информираше дека странската комисија која ги испитувала сомнителни операции во Македонија дала конкретни резултати. Кај четири пациенти третманот бил оценет како медицински соодветен, навремен и во согласност со стандардите на клиничката пракса.

Несогласувања меѓу наоди и извештаи

Комисијата констатирала конкретни неправилности: несогласувања меѓу ангиографски наоди од коронографија и писмените извештаи, по кои следувале несоодветни индикации за ендоваскуларни или хируршки процедури. Со други зборови , операции кои можеби воопшто не биле потребни.

- Advertisement -

На проблемот прв јавно укажал академик Сашко Кедев, по што институциите биле принудени да реагираат.

Клучното прашање: кои клиники и кој одговара?

Иако резултатите се јавни, имињата на приватните клиники засегнати со наодите сè уште не се обелоденети. Граѓаните и медиумите го поставуваат истото прашање: дали постои заштита на одредени институции и зошто процесот на утврдување одговорност трае толку долго?

Случајот укажува на системски проблем во надзорот над приватниот здравствен сектор во Македонија , прашање кое останува отворено додека имињата не излезат на виделина.

С.Д.