Најмалку четири лица се повредени откако вооружен напаѓач утрово отворил оган пред средно училиште во западна Турција

Најмалку четири лица се повредени откако вооружен напаѓач утрово отворил оган пред средно училиште во западна Турција. Според првичните информации, меѓу повредените има и ученици.

Пукањето се случило пред средно стручно и техничко училиште во Тургугутлу, град во провинцијата Маниса.

Канцеларијата на гувернерот на Маниса го потврди инцидентот и соопшти дека на местото веднаш биле испратени полициски и медицински екипи.

- Advertisement -

Според турскиот „Хабертурк“, напаѓачот пукал со пушка кон учениците кои пристигнувале на училиште. Најмалку четири лица биле повредени, а првичните информации укажуваат дека повеќето од нив се ученици.

Засега не е познат мотивот за нападот.