Најмалку 15 мртви, наредена е евакуација на речиси 200.000

Бројот на жртви од земјотресот со јачина од 8,1 степени што го погоди јужниот дел на Филипините се искачи на 15, соопшти Филипинската канцеларија за цивилна одбрана.

Директорот на канцеларијата, Родриго Сосмене, изјави дека се пријавени 12 смртни случаи во Соџоса, регион што вклучува четири провинции и еден град – Јужен Котабато, Султан Кударат, Сарангани и Генерал Сантос Сити.

Претходно, повеќе од 200 лица беа повредени, а беше издадено и предупредување за цунами.

- Advertisement -

Јапонија нареди евакуација
Вкупно 181.000 жители добија наредба за евакуација во шест јапонски префектури откако беше издадено предупредување за цунами за силен земјотрес на Филипините, соопшти Агенцијата за управување со пожари и катастрофи.

Евакуации се наредени во префектурите Ибараки, Мие, Кочи, Мијазаки, Кагошима и Окинава.

Се очекуваат бранови до еден метар покрај брегот на Јапонија.

Предупредувањето го опфаќа подрачјето од крајниот југ на Јапонија до префектурата Чиба во близина на Токио.

Силен земјотрес го погоди филипинскиот остров Минданао.

Европските сеизмолози ја проценија неговата јачина на 8,1 степен според Рихтеровата скала, додека Јапонската метеоролошка агенција соопшти дека земјотресот бил со јачина од 8,2 степени.