Иран тврди дека САД се директно одговорни за кршењето на примирјето

Портпаролот на иранското Министерство за надворешни работи, Есмаил Багаеи, изјави дека САД носат директна одговорност за најновото кршење на примирјето и дека постапките на Израел не можат да се одвојат од политиката на САД.

„Акциите на ционистичкиот ентитет во регионот не можат да се гледаат одвоено од САД“, изјави Багаеи на прес-конференција, објави Ал Џезира.

Во војната што започна со воздушните напади на САД и Израел во кои беше убиен врховниот лидер на Иран на 28 февруари, во моментов се на сила две примирја – во Иран и Либан – и обете повторно беа доведени во прашање по меѓусебните воздушни напади денес.

- Advertisement -

Примирјето на САД и Иран, објавено од Доналд Трамп на 7 април, во голема мера се одржа, иако имаше неколку напади од двете страни.

Најновата ескалација денес дојде откако американскиот претседател вчера изјави дека новите израелски и ирански напади нема да влијаат на мировните преговори на неговата администрација со Техеран.