Најмалку 14 загинати и 12 исчезнати во свлечишта и лизгање на земјиштето предизвикани од обилните дождови во Јужна Кореја

Најмалку 14 лица загинаа, а 12 се водат како исчезнати во лизгање на земјиштето и свлечиштата предизвикани од обилните дождови во Јужна Кореја, објавија денес локалните власти.

Монсунските дождови ја погодија Јужна Кореја пред пет дена, а оттогаш, куќите во многу делови од земјата беа поплавени или затрупани, додека илјадници луѓе беа евакуирани.

Едно лице загина денес при уривање на куќа, а друго беше пронајдено мртво во надојдениот поток во градот Гапџонг на северот од земјата, објави Министерството за внатрешни работи и безбедност.

- Advertisement -

Во градот Санчеонг на југот од земјата вчера, осум лица беа пронајдени мртви, а шест се водат како исчезнати, според соопштението.

Министерството додава дека уште 3.840 лица беа евакуирани денес.

Дождовите во поголемиот дел од Јужна Кореја во голема мера престанаа, а предупредувањата за обилни врнежи се повлечени.