Му посака смрт на Путин за Божиќ, Кремљ го оцени како нестабилна личност

Топ Вести - Слушај сега

Портпаролот на Кремљ, Дмитриј Песков, изјави дека божиќното обраќање на украинскиот претседател Володимир Зеленски било „нецивилизирано и горчливо“, што, како што рече, сугерира дека тој е „нестабилна личност“.

- Advertisement -

– Видовме извештај за навистина бизарно божиќно обраќање на Зеленски. Тоа е нецивилизирано, горчливо и звучи како малку нестабилна личност – изјави тој пред новинарите како одговор на прашање за тоа.

Тој додаде дека Кремљ ја доведува во прашање способноста на Зеленски да донесува соодветни одлуки кон политичко и дипломатско решение на конфликтот во Украина.

Божиќната „честитка“ на Володимир Зеленски

– Дај боже да умре, секој од нас може тоа да го помисли во себе – рече Зеленски, осврнувајќи се на рускиот претседател Владимир Путин.

Потоа продолжи со поинаков тон.

– Но, кога се свртуваме кон Бога, се разбира, бараме нешто поголемо. Бараме мир за Украина. Се бориме за него. И се молиме за него. И го заслужуваме – рече Зеленски.

Претседателот на Украина додаде дека Украинците сакаат секое семејство да живее во хармонија и секое дете да се радува на подароци, насмевки и вера во добрината и чудата.

Зеленски, исто така, изрази надеж дека добрината и вистината ќе победат.

– Нека биде победа на мирот. Нека бидеме ние. И нека биде Украина – рече тој.

Во јули 2023 година, Зеленски потпиша закон со кој се наведува дека Божиќ во Украина официјално ќе се слави на 25 декември според јулијанскиот календар.