Шестгодишниот син на Илон Маск, Икс Еј А-12, стана хит на кинеските социјални мрежи откако за време на официјална средба во Шенжен доби едноставно прашање од својот татко. Неговиот краток одговор предизвика смеа меѓу присутните, а Маск веднаш објасни што толку многу го привлекува момчето во оваа азиска земја.
На видеото, кое се прошири на социјалните мрежи, се гледа како Маск за време на разговор со кинескиот функционер Рен Хонгбин се врти кон својот син и го прашува дали ја сака Кина.
Момчето без двоумење одговара потврдно, по што присутните реагираат со смеа.
Маск потоа ја објаснува причината за воодушевувањето на својот син.
– Кина произведува речиси сè. Таа е рај за играчки. Неговите играчки се произведуваат тука – рекол милијардерот, алудирајќи на кинеската индустрија и огромното производство на производи што се продаваат низ целиот свет.
Средбата се одржала во Шенжен, каде што Маск престојува како дел од американската деловна делегација што го придружува претседателот Доналд Трамп на самитот на АПЕК.
Во разговорот со Рен Хонгбин, претседател на Кинескиот совет за промоција на меѓународната трговија, Маск се претставил како голем поддржувач на Кина и нејзиниот технолошки развој.
Тој зборувал и за плановите на Тесла за зголемување на производството во Кина, каде што фабриката во Шангај има значајна улога во производството и извозот на електричните автомобили на компанијата.
Маск ги пофалил кинеската технологија, архитектурата, природните убавини и железничката мрежа, а повикал и на подобра соработка меѓу САД и Кина. На Американците им порачал дека треба лично да ја посетат земјата за да ја запознаат одблизу.
Ова не е прва посета на Кина на синот на Маск. Во мај годинава, момчето го придружувало татка си и во Пекинг, каде што ја посетиле Големата народна сала. Тогаш привлекло внимание и со облеката – носело свилена јакна во традиционален кинески стил и чанта со мотив на тигар.
Според медиумските извештаи, таа комбинација предизвикала голем интерес, а слични производи набрзо биле распродадени во кинеските онлајн-продавници.
Tagged as:
Милијардерот откри зошто за шестгодишното момче земјата е „рај за играчки“
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
