Македонските туристи кои ова лето ќе одмораат во Грција треба да бидат внимателни со правилата за рекреација на море, особено при користење СУП-даски

Македонските туристи кои ова лето ќе одмораат во Грција треба да бидат внимателни со правилата за рекреација на море, особено при користење СУП-даски. На грчкиот остров Лимнос, туристи биле казнети со 250 евра бидејќи управувале со СУП-даска без елек за спасување.

Според нивните изјави, тие не знаеле дека носењето елек е задолжително, а посочиле и дека претходно не биле предупредени за правилото.

Сепак, грчките прописи предвидуваат задолжително користење заштитна опрема при ваков вид водена активност, а непознавањето на правилата не ги ослободува туристите од одговорност.

- Advertisement -

СУП-даските (Stand Up Paddle) во последните години стануваат сè попопуларни и меѓу македонските туристи кои летуваат на грчкото крајбрежје, но пред нивното користење треба да се знаат ограничувањата што ги поставуваат грчките власти.

Правила за користење СУП-даска во Грција:

– Користењето СУП-даска е забрането за лица помлади од 14 години, како и за лица кои не знаат да пливаат.

– Пловењето е дозволено само во текот на денот.

– Даската смее да се користи на растојание до 500 метри од брегот.

– Рекреацијата е дозволена само при поволни временски услови.

– На една СУП-даска може да има само едно лице.

– Носењето елек за спасување е задолжително.

– Корисниците мора да внимаваат да не ги загрозуваат капачите и другите учесници во водата.

Надлежните апелираат туристите пред да користат реквизити на вода да се информираат за локалните правила, бидејќи непочитувањето може да резултира не само со парични казни, туку и со ризик по сопствената безбедност.

Видеото можете да го погледнете ТУКА!