ЛИЗА КУДРОУ ОТКРИ ДЕКА НАШЛА ПОРАКА СТАРА 20 ГОДИНИ ОД МЕТЈУ ПЕРИ

Актерката Лиза Кудроу гостувала во „Емисијата на Дру Баримор“, каде открила дека неодамна пронашла белешка којашто нејзиниот покоен колега Метју Пери ѝ ја дал на снимањето на финалето на серијата во 2004 година. Тоа писмо досега било скриено во подарената тегла за колачиња.

– Метју ми ја даде на крајот од нашата последна епизода. А неодамна најдов и порака во тој сад, што тој ми ја наменил мене. Ја немав отворено теглата, ниту пак, погледнав внатре. Но, да – внатре имаше порака, и јас сум заборавила на тоа. За сè има вистински миг – рекла ѕвездата на „Пријатели“.

Инаку, Лиза ја играше Фиби во хит-серијата „Пријатели“, а славната шесторка оттогаш стана неразделна.

- Advertisement -

Пери кој го глумеше Чендлер Бинг во американската хумористична хит-серија, почина лани во октомври, од „акутни ефекти од злоупотреба на кетамин“, на 54-годишна возраст. По неговата смрт, другите ѕвезди од „Пријатели“ – Џенифер Анистон, Кортни Кокс, Мет Лебланк, Дејвид Швимер и Лиза Кудроу објавија заедничка изјава.

Нивната главна порака гласеше: „Ние сме семејство“.

Во 2021 година, екипата имаше повторен собир во ТВ-документарецот, првпат откако серијата ја прослави својата 10-годишнина во 2004 година, а воедно и крајот на приказната.

Во врска со смртта на Пери, пет лица беа обвинети. Следно, основана е и фондација на негово име, со цел да им се помогне на лицата кои се борат со зависности.