Лице во Охрид фатено со дрога и арсенал оружје во домот

Полициски службеници од Отсекот за недозволена трговија со дрога и оружје при СВР Охрид на 21 април 2026 година во 11:00 часот, во парк во Охрид, го лишија од слобода Б.Х. (51) од Охрид, кај кого била пронајдена и одземена бела грутчеста материја.
Подоцна, врз основа на наредба од Основен суд Охрид, полициски службеници извршиле претрес во неговиот дом и помошните простории. При претресот биле пронајдени и одземени автоматска пушка со рамка со 20 куршуми, пиштол „Пиетро Берета” калибар 7,65 мм со рамка со три куршуми, како и револвер без сериски број и ознаки.
Лицето е задржано во полициска станица и по целосно документирање на случајот против него ќе следува соодветна кривична пријава.
Извор: СВР Охрид