Крис Аплтон, фризер на славните најпознат по долгогодишната соработка со Ким Кардашијан, јавно ги бранеше своите екстремно високи хонорари, објаснувајќи зошто за своите услуги наплаќа повеќе отколку што чини депозит за куќа

Крис Аплтон, фризер на славните најпознат по долгогодишната соработка со Ким Кардашијан, јавно ги бранеше своите екстремно високи хонорари, објаснувајќи зошто за своите услуги наплаќа повеќе отколку што чини депозит за куќа.

Аплтон, кој првично тврдеше дека неговиот највисок хонорар е 100.000 долари (86.281 евра), неодамна призна дека всушност заработил двојно повеќе за еден ангажман.

– Беше 200.000 долари (околу 172.562 евра) – откри оваа недела во подкастот Great Company со Џејми Лонг.

- Advertisement -

– Реков 100.000 долари затоа што се плашев што ќе кажат сите. Го кажав тоа, а потоа ме фати страв.

Аплтон (42), ја оправда неверојатната сума велејќи дека често работи бесплатно. „Многу пати не сум платен толку многу“, рече тој.

Фризерот, кој се грижи за косата на Ким Кардашијан, ги анализираше трошоците детално.

– Работата вклучуваше многу патувања и бараше целосна посветеност. Кога ќе се собере сè, не е толку многу. Плус, во Америка, 50 проценти одат на даноци, што е веќе половина. Потоа агентот зема 20 проценти, а менаџерот на бизнисот зема пет проценти – објасни тој.

Тој истакна слична поента во јануари за време на гостувањето во подкастот „U Up?“, кога исто така истакна дека неговиот нето приход е значително намален по плаќањето даноци и други такси.

Аплтон, кој беше задолжен за косата на Ким Кардашијан за Мет Гала во 2022 година, неодамна беше критикуван од неа токму поради тој изглед. Кардашијан ја обои тогаш косата платинесто руса и ја залижа.

Додека снимаше влог од последната проба за овогодинешната Мет Гала, Кардашијан (45) се присети на контроверзниот настан.

– Премногу работи се случуваа. Ги средувавте сите членови на семејството – им префрли таа на Аплтон и шминкерот Марио Дедивановиќ. „Не бевме фокусирани“.

Покажувајќи фотографија од настанот, Кардашијан ладно рече: „Сите овде зафркнаа. Ајде да го кажеме тоа така“.

Додека Аплтон и Дедивановиќ се шегуваа на сметка на сомнителните избори на оној другиот, од ајлајнер до коса, Кардашијан додаде:

– Сè беше до фризурата. Ќе се расправам со тебе до смрт за тоа.

Таа исто така призна дека размислувала за тоа барем еднаш неделно.

И покрај критиките, Аплтон подоцна го сподели својот став за нејзината руса коса.

– Ја сакам Ким како русокоса. Мислам дека е интересно како бојата на косата може да ги промени боите на облеката што ја носите и како таа навистина влијае на шминкат – изјави тој за E! News.