„Кралот“ се сели во Филаделфија по нова титула

Легендата на НБА лигата, Леброн Џејмс, кариерата ќе ја продолжи во Филаделфија, објави американскиот спортски медиум ЕСПН.

Филаделфија ќе биде четвртиот клуб во најсилната кошаркарска лига во светот во кој ќе настапува ѕвездениот кошаркар. Претходно Џејмс го носеше дресот на Кливленд Кавалирс, Мајами Хит и Лос Анџелес Лејкерс.

„76-ките“ ова лето вложуваат сериозни напори за создавање тим способен за освојување на шампионската титула. Клубот веќе започна со засилувања, а во екипата пристигна и Џејлен Браун од Бостон Селтикс преку размена.

- Advertisement -

Ангажманот на Леброн Џејмс треба да донесе дополнителен квалитет, искуство и лидерство во тимот. Очекувањата се дека 40-годишниот кошаркар ќе внесе победнички менталитет и сигурност во клучните моменти од сезоната.

Џејмс во својата богата кариера освои четири НБА титули, четири пати беше прогласуван за најкорисен играч (МВП) во регуларниот дел од сезоната и е најдобар стрелец во историјата на НБА.

Со преселбата во Филаделфија, Леброн ќе се обиде да додаде уште една голема страница во својата историска кариера и повторно да се бори за шампионскиот прстен.