Косата на Скипио ги засени петте гола на противничкиот тим

Репрезентативецот на Ангвила, Ејдан Скипио, двапати беше повлечен за коса на натпреварот против Антигва и Барбуда. Судијата ги исклучи двајцата противнички фудбалери, а снимките од инцидентите се проширија на социјалните мрежи.

Необичните сцени се случија во второто полувреме од дуелот во Лигата на нациите на КОНКАКАФ. Скипио влезе како резерва кога неговата репрезентација веќе губеше со 5:0, пренесува „Л’Екип“.

Прв за долгите плетенки го повлече Кион Грин. Доби директен црвен картон, но неговиот соиграч Шалон Најт подоцна го повтори истиот потег.

- Advertisement -

Најт го повлече Скипио за коса во судиското надополнување. Судијата повторно покажа црвен картон, па домаќините го завршија натпреварот со деветмина.

Ангвила не ја искористи бројната предност. Антигва и Барбуда победи со 5:0, а сите голови ги постигна уште во првото полувреме.