Клоп ја критикува ФИФА за скандалот: Има предлог до Американците да го избегнат срамот на векот

Јирген Клоп им се придружи на голем број познати фудбалски имиња кои ја критикуваа одлуката на ФИФА да ја суспендира забраната на американскиот репрезентативец Фоларин Балогун и да му дозволи да игра во четвртфиналето на Светското првенство против Белгија.

Германскиот стручњак се осврна на тврдењата дека американскиот претседател Доналд Трамп разговарал со претседателот на ФИФА, Џани Инфантино, и побарал преиспитување на црвениот картон на Балогун.

„Тоа доведува во прашање апсолутно сè“
Клоп верува дека евентуалното политичко мешање во дисциплинските одлуки би претставувало сериозен проблем за кредибилитетот на светскиот фудбал.

- Advertisement -

„Ако Доналд Трамп и Џани Инфантино навистина се согласиле за ова меѓу себе, тогаш тоа е неверојатно и доведува во прашање апсолутно сè“, изјави Клоп за германската телевизија MagentaTV, пренесува Marca.

„Нема две мислења“
Германскиот стручњак, кој во медиумите се споменува како еден од кандидатите за нов селектор на германската репрезентација, рече дека не треба да има дилеми околу овој случај.

„САД не треба да го користат“
Клоп верува дека репрезентацијата на САД би можела да испрати силна порака ако одлучи да не го вклучи Балогун во составот и покрај одлуката на ФИФА.

„Ако ова навистина се случи, постои можност самите Соединетите Американски Држави да одлучат да не го земат на теренот, со пораката: „Не сакаме да биде вака“. Сите ги трпиме последиците од погрешните одлуки. Учиме да живееме со нив во текот на целиот наш живот“, рече Клоп.

Реакциите не стивнуваат
Случајот со Фоларин Балогун предизвика лавина од реакции низ целиот свет во последните денови.

Пред Клоп, Вејн Руни, Сеп Блатер и Томас Тухел ја критикуваа одлуката на ФИФА, додека Златан Ибрахимовиќ ја поддржа укинувањето на забраната, но оцени дека ФИФА требало да го заврши целиот процес многу порано.