На овој прекрасен ден, нека Бог Ве благослови со здравје, мир и огромна среќа.
Светлината на Христовото Воскресение, нека Ви ги покаже највозвишените човекови чувства и нека Ве научи повеќе да се радувате, да простувате и да се почитувате. Посакувам вербата и надежта во подобро утре да станат единствена животна водилка, а празничната радост да ги отвори срцата за многу повеќе љубов и милосрдие.
Духовните вредности се најсилниот темел за градење на подобра иднина за нас и идните генерации, па затоа да бидеме сплотени и единствени во зачувување на заедничките вековни традиции.
Драги пријатели и сограѓани, поминете ги овие празнични денови во семејна хармонија, имајте многу пријатни моменти и создавајте незаборавни спомени.
Нека е за многу години Велигден, Христос Воскресна, Навистина Воскресна!
