Кина лансираше уште една група интернет-сателити во ниска орбита

Во понеделникот, Кина лансираше уште една група интернет-сателити во ниска орбита користејќи ја ракетата-носач „Долг марш-12“ (Long March-12), објавија државните медиуми.

Според новинската агенција „Синхуа“ (Xinhua), со седиште во Пекинг, ракетата полетала во 4:24 часот наутро (во недела, во 20:24 часот по Гринич) од комерцијален космодром на јужната островска провинција Хаинан.

Во извештајот се наведува дека товарот – 29-тата група интернет-сателити во ниска орбита – успешно стигнал до предвидената орбита.