Ким Кардашијан отворено проговори за предизвиците во односот со поранешниот сопруг Канје Вест и за тоа колку е тешко да се грижи за нивните четири деца додека истовремено се грижи и за неговата добросостојба

Ким Кардашијан отворено проговори за предизвиците во односот со поранешниот сопруг Канје Вест и за тоа колку е тешко да се грижи за нивните четири деца додека истовремено се грижи и за неговата добросостојба. Иако нивниот брак заврши, таа признава дека сè уште постојано размислува за него, особено поради неговите проблеми со менталното здравје.

– Се грижам за него цел ден. Постојано. Тој е татко на моите деца и никогаш нема да престанам да се грижам за него – изјавила Ким во биографијата „Citizen Kim: The Woman Who Created the Future“, напишана од новинарот Џонатан Ван Метер.

– Тоа е голем товар кога имате деца со некого со кого не се согласувате секогаш – додала таа.

- Advertisement -

Ким објаснила дека се обидува да одржува отворена можност за комуникација со Канје, но директниот контакт го сведува на минимум. Наместо тоа, понекогаш комуницира со него преку неговата сопруга, Бјанка Ценсори, или преку неговиот пријател и менаџер.

Таа смета дека овој начин на комуникација им помага да го одржат односот функционален, пред сè заради децата. Како пример го навела минатиот Божиќ, кога ја вклучила и Бјанка во плановите за семејното празнување со ноќевање, па сите можеле да го поминат празникот заедно.

Ким и Канје имаат четири деца: Норт, Сеинт, Чикаго и Псалм. Таа признава дека заедничкото родителство не е секогаш лесно, особено кога раперот не е достапен подолг период.

– Тешко е да се биде заеднички родител со некого што доаѓа на секои неколку месеци. Но, јас секогаш им велам: Тато е на патување. Сè уште измислувам приказни за да ги заштитам, бидејќи сакам да мислат дека нивниот татко е најдобар – открила таа.

И покрај тешкотиите, Ким вели дека се труди децата да не ги чувствуваат проблемите меѓу родителите. Таа сака да имаат добар однос со татко им и со неговото семејство, па затоа често го кани Канје на вечера и му нуди да преспие во нивниот дом за децата да поминуваат повеќе време со него.

Осврнувајќи се на неговите епизоди поврзани со биполарното растројство, Ким објаснила дека се обидувала да ги заштити децата од она што се случува. Според неа, тие не биле свесни за сериозноста на ситуациите, а понекогаш дури делувале смирувачки врз својот татко.

– Тоа беше вистинска среќа. Тој можеше да има целосна епизода, а децата да не знаат ништо, бидејќи делуваа смирувачки за него – рекла таа, објаснувајќи дека постојано морала да проценува кога е добро децата да бидат покрај него, а кога е подобро да ги оддалечи.

Ким признава дека сето тоа оставило трага и врз неа. Во книгата зборувала и за моментите кога се обидувала да ги потисне болните искуства, чувствувајќи вина и срам поради некои работи што се случувале за време на неговите психички кризи. Сакала да го заштити од јавноста и не сакала луѓето да дознаат низ што минувале.

Но, кога ситуацијата почнала да влијае врз нејзиното здравје и чувство на сигурност, сфатила дека мора да се погрижи и за себе. Таа открила дека нејзиниот терапевт ја советува да поставува поцврсти граници, иако и понатаму се труди да го зачува односот меѓу Канје и децата.

– Тој секогаш некако успева повторно да застане на нозе и да излезе од нешто. Сепак, сето тоа многу ме растажува. Не мислам дека работите ќе се подобрат. Се молам да се подобрат. Заради моите деца – признала Ким.