Какво време нѐ очекува денеска?

Во текот на денот ќе преовладува сончево и релативно топло време со мала до умерена облачност. Ќе дува слаб до умерен ветер од јужен правец, додека во пониските котлини се очекува појава на магла или ниска облачност, што ќе ги задржи температурите пониски, информираше УХМР.

„Во Скопје времето ќе биде претежно облачно и тивко, со појава на магла во утринските часови. Максималната температура ќе достигне 6 степени. Во другите градови, температурите ќе се движат од 9 степени во Гостивар, 12 степени во Крива Паланка и во Охрид, 14 степени во Битола, до 15 степени во Гевгелија“, соопшти УХМР.

- Advertisement -

До петок ќе продолжи стабилното време со слаб, а понекаде и умерен јужен ветер. По котлините, маглата и ниската облачност ќе придонесат за пониски температури, додека во останатите места ќе се задржи релативно топло време. На планинските предели ќе има постепено топење на снежната покривка.

„Промена во временските услови се очекува од петок попладне. Во деновите од викендот ќе има повремени врнежи од дожд, а на планините снег. Спуштањето на постудена воздушна маса од север ќе предизвика постепен премин на врнежите во снег во повисоките места, а во недела и на пониските предели. Граѓаните, особено оние кои планираат патување, се советуваат да ја следат прогнозата во наредните денови заради можноста од зимски услови, особено на планинските патишта“, наведено е во соопштението.