Каква катастрофа на потпретседателот пред Трамп во Белата куќа

Американскиот потпретседател Џеј Ди Венс ќе го памети првиот прием на спортисти во Белата куќа откако стана десна рака на претседателот Доналд Трамп.

Единствениот проблем за Венс е што споменот нема да биде пријатен.

На видеото објавено од „CBS News“ се гледа како Трамп и Венс се домаќини на шампионскиот тим на Државниот универзитет во Охајо во американски фудбал на тревникот пред претседателската резиденција.

- Advertisement -

За време на претставување на трофејот, Венс се обиде да го подигне, но не знаеше дека куќиштето може да се одвои од златниот дел.

Трофејот се распадна, проследен со смеа на насобраните играчи и поглед на Трамп кој не можеше да поверува што се случува.

Венс брзо го подигна куќиштето за да го прикачи трофејот, но на крајот му го дадоа само златниот дел да го држи, за секој случај.

Трамп цело време со насмевка коментираше со еден од играчите кој со насмевка го гледаше Венс.