ИМА НАПРЕДОК ВО ПОСРЕДУВАЊЕТО ПОМЕЃУ УКРАИНА И РУСИЈА

Американскиот специјален пратеник Стив Виткоф, по денешната средба со рускиот претседател Владимир Путин во Санкт Петербург, изјави дека е постигнат дипломатски напредок во напорите за посредување помеѓу Москва и Киев, но оти постигнувањето на мировен договор бара уште многу работа.

– Иако останува уште многу работа да се заврши, претседателот Трамп останува решен да ја заврши оваа војна, објави Виткоф на Икс.

Тој додаде дека дијалогот ќе продолжи во форма на технички трилатерални консултации помеѓу САД, Русија и Украина.

- Advertisement -

Претходно, советникот на Кремљ за надворешна политика Јуриј Ушаков истакна дека Путин на средбата со Виткоф навел дека Москва е подготвена следниот месец да ги продолжи преговорите со Киев и Вашингтон за завршување на војната во Украина.

– Нов круг трилатерални преговори во кои би учествувале Русија, САД и Украина би можеле да се одржат во Абу Даби во ноември, посочи Ушаков.

Тој додаде наведе дека новиот круг преговори треба да се фокусира на „изградба на безбедносен систем за Русија и Украина по завршување на конфликтот“.