Background

ХАКЕРСКИ НАПАД 10 ДЕНА ЈА ТРЕСЕ ЕВРОПСКАТА КОМИСИЈА

Европската комисија се соочила со голем хакерски напад, по кој работата на неколку внатрешни системи била нарушена повеќе од 10 дена. Напаѓачите користеле јавно достапна алатка со вештачка интелигенција, додека европските институции сè уште ги утврдуваат размерите на штетата.

Според „Политико“, службата за сајбер-безбедност на европските институции, ЦЕРТ-ЕУ, открила дека меѓународни хакери ја злоупотребиле алатката АРТЕКС (ARTEX). Таа користи вештачка интелигенција за откривање слабости во информатичките системи.

Нападот ги погодил платформите што вработените ги користат за административни и финансиски потреби. Меѓу нив се „Сиспер“ (Sysper), системот за плати, годишни одмори и евиденција на работното време, и „МајПМО“ (MyPMO), преку кој се обработуваат барањата за надомест на медицински трошоци.

- Advertisement -
Ad image

Неколку апликации биле привремено исклучени од безбедносни причини. Повеќето биле вратени во функција на почетокот на неделава, но „Сиспер“ повторно имал краток прекин во средата, на 18 ноември. Проблеми биле забележани и во преведувачките служби на Комисијата.

Неименуван претставник на Европската Унија за „Политико“ изјавил дека институцијата успеала да го стави под контрола најголемиот дел од нападот.

– Комисијата верува дека го сузбила најголемиот дел од нападот, но целосните размери на штетата остануваат нејасни. Системите можеби се враќаат во функција, но одговорите доаѓаат малку побавно – изјавил претставникот.

Истражителите проверуваат дали хакерите успеале да пристапат до личните податоци на вработените. Според истиот извор, неизвесноста околу можната кражба е причината за ограниченото информирање на персоналот.

Европската комисија го свикала својот највисок внатрешен орган за управување со кризи, Одборот за корпоративно управување, на итен состанок поради сајбер-инцидентите.

Информацијата произлегува од внатрешна електронска пошта до која дошол „Политико“. Одделот за дигитални услуги истовремено наредил засилени безбедносни проверки.

Еврокомесарката за технологија Хена Виркунен ги информирала останатите членови на Комисијата за преземените мерки на состанокот на Колегиумот на комесари во средата.

Портпаролот на Европската комисија, Томас Рение, потврдил дека институцијата реагирала на откриената сајбер-кампања.

„Европската комисија ги презеде неопходните чекори како одговор на откриената сајбер-кампања. Беа таргетирани поединечни системи и, во согласност со нашата стандардна практика, ги известивме засегнатите лица“, соопштил Рение за „Политико“.

Американското Федерално истражно биро (ФБИ) на 13 ноември предупредило дека хакерски групи ја злоупотребуваат алатката АРТЕКС за автоматизирани напади врз организации во повеќе сектори. Според предупредувањето, алатката може значително да го забрза откривањето и искористувањето на безбедносните слабости.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖