Гори Московската рафинерија по силен украински напад

Голем пожар избувна во рафинерија за нафта во близина на Москва по нов бран украински напади со беспилотни летала.

Според руските власти, украинските дронови повторно успеале да ја погодат Московската рафинерија, иако воздушната одбрана пресретнала десетици цели.

Градоначалникот на Москва, Сергеј Собјанин, изјави дека од почетокот на денот биле неутрализирани околу 180 дронови што се движеле кон руската престолнина.

- Advertisement -

– Неколку дронови успеале да стигнат до рафинеријата за нафта.

На социјалните мрежи се појавија снимки од пожари и густ чад над делови од Москва. Пријавени се и инциденти во трговски центри и станбени објекти каде паднале остатоци од дронови.

Поради нападот, привремено беа воведени ограничувања на аеродромите Внуково, Шереметјево и Жуковски.

Во исто време, украинските власти соопштија дека Русија извршила нови ракетни напади врз Киев и други делови од земјата.

Московската рафинерија е меѓу најважните енергетски објекти во регионот и повеќепати беше цел на украински напади од почетокот на војната.