Гласањето недоверба на владата не го тангира францускиот претседател

Францускиот претседател Емануел Макрон изјави дека нема намера да поднесе предвремена оставка пред гласањето за доверба на владата, закажано за 8 септември.

Причина за гласањето е незадоволството на населението поради мерките за штедење предвидени во нацрт-буџетот за 2026 година, а премиерот Франсоа Бајру најави дека прашањето за доверба ќе се разгледа на вонредна седница на парламентот.

– Што се однесува до мене, јас верувам во демократија. Демократијата се состои во тоа луѓето да гласаат за одреден мандат. Мандатот што ми го доверија Французите, и никој друг, ќе биде исполнет до крај – истакна Макрон на прес-конференција со германскиот канцелар Фридрих Мерц.

- Advertisement -

Мандатот на актуелниот француски претседател истекува во 2027 година.