Француската воена морнарица на 12 ноември во Атлантскиот Океан пресретнала полуподморница без ознаки, која превезувала неколку тони кокаин, објави специјализираниот портал „Naval News“. Станува збор за прв случај во историјата француската морнарица да запре таканаречена наркоподморница.
Ја запреле полуподморницата и испратиле припадници на морнарицата на неа, а шверцерите ја потопиле
Според соопштението на француското Министерство за вооружени сили и ветерани, објавено на 15 ноември, француска фрегата го запрела пловилото без знаме, со поддршка од хеликоптерот на бродот и американски авион за поморско патролирање, кој дејствувал под оперативна команда на Заедничката меѓуагенциска работна група „Југ“ (JIATF-S).
Акцијата била спроведена во согласност со правната рамка на Конвенцијата на Обединетите нации за правото на морето (UNCLOS).
Кога тимот за качување од фрегатата се приближил до полуподморницата, тројца од четворицата луѓе на пловилото скокнале во океанот. Француските морнари се качиле на палубата и го извлекле четвртиот член на екипажот, кој во меѓувреме веќе го активирал системот за потопување на пловилото.
Полуподморницата потонала за помалку од три минути.
Француските чамци ги извлекле од морето сите четворица осомничени, а потоа ги собрале пловечките остатоци и четири пакети со вкупна тежина од 146 килограми. Со тестирање било потврдено дека пакетите содржеле кокаин.
Остатокот од нелегалниот товар, кој тежел неколку тони, потонал заедно со полуподморницата.
Француската министерка за вооружени сили и ветерани, Катрин Вотран, на социјалната мрежа X ги пофалила екипажите за нивната професионалност и решителност во операцијата на отворено море.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
