Ново скандалозно постапување на Основното јавно обвинителство (ОЈО) во Охрид предизвикува бран на револт кај јавноста и стручната правна заедница. Граѓани бараат одговор на прашањето: зошто обвинителството ги ослободи двајца странски државјани кои нанеле тешки телесни повреди на вработен во агенција за обезбедување, а жртвата ја упатија на граѓански спор за надоместок на штета?
Настанот се случил во еден од хотелите во Охрид, каде припадник на приватна безбедносна агенција бил физички нападнат и претепан. Видеозапис од местото на настанот јасно го идентификува едниот напаѓач облечен во жолта маица , државјанин на Босна и Херцеговина. Вториот напаѓач е државјанин на Република Србија. Двајцата биле приведени и задржани во полициска станица.
„Оштетеното лице , припадник на обезбедувањето , е упатено на граѓански спор за да го оствари своето право на надомест на штета. Но, ако странски државјани никогаш повеќе нема да се вратат во Македонија, кој ќе им суди?”
По приведувањето, обвинителите во ОЈО Охрид донеле одлука сторителите на кривичното дело да не бидат кривично гонети, туку веднаш да бидат ослободени од полициска станица. Единствената санкција: плаќање на судски трошоци во износ од само 100 евра. По исплаќањето на оваа симболична сума, двајцата напаѓачи ја напуштиле Македонија и заминале во своите земји.
- Настан: тешки телесни повреди врз припадник на агенција за обезбедување (службено лице), хотел во Охрид
- Напаѓач 1: државјанин на Босна и Херцеговина
- Напаѓач 2: државјанин на Република Србија
- Одлука на ОЈО Охрид: ослободување без кривична пријава
- Казна: 100 евра судски трошоци
- Жртвата: упатена на граѓански спор
- Статус на напаѓачите: ја напуштиле Македонија
Правните експерти посочуваат на очигледна неправда по насоката на ОЈО Охрид. Жртвата е упатена на граѓанска тужба за надомест на штета , постапка во која мора лично да се достави судски позив до тужените. Но ако тужениот е странски државјанин кој живее надвор од Македонија и немал никаква правна санкција да се врати, можноста за успешна граѓанска постапка е практично нереална.
Ваквата одлука на обвинителството ги крши темелните начела на кривичната правда и на еднаквата заштита на граѓаните пред законот , без разлика дали сторителот е домашен или странски државјанин. Кривичното дело тешки телесни повреди (член 131 од Кривичниот законик на РСМ) е гонливо по службена должност и не бара иницијатива од оштетениот.
Случајот повторно ги отвора прашањата за функционирањето на правосудниот систем во Охрид и пошироко во Македонија. Дали постои двоен стандард при постапувањето со странски и домашни сторители? Дали обвинителите го примениле начелото на опортунитет и под кои услови? Кој ги надгледува одлуките на ОЈО Охрид? Јавноста очекува одговори , а правниот систем, одговорност.
Ова се сторителите на кривичното дело ,кое ОЈО не го гледа,им се извинија културно и експресно ги испратија по дома:
