Еден чувар е повреден во пожар што утринава избувна во породилиште во источниот дел на Москва

Еден чувар е повреден во пожар што утринава избувна во породилиште во источниот дел на Москва, соопшти руската служба за итни случаи.

– Според ажурираните податоци, евакуирани се 224 лица, спасени се 37. Повреден е чуварот на зградата – изјави извор од службата за итни случаи, пренесоа руските медиуми.
Претходно прес-службата на руското Министерство за вонредни ситуации соопшти дека 39 лица се евакуирани поради пожарот што утринава избувна на седмиот кат од родилиштето во источниот дел на Москва.

Во меѓувреме пожарот е изгаснат, а пациентите и персоналот се сместени во друга зграда на болницата.