Дванаесет рудари затрупани по уривање на рудник во Пакистан

Рудник за јаглен во оддалечена област во југозападен Пакистан се урна по експлозија на метан, при што најмалку 12 рудари беа заробени, соопштија властите.

Покрената е спасувачка операција.

Инспекторот за рудници Абдул Гани изјави дека експлозијата се случила синоќа во Сингиди, град во провинцијата Белуџистан, и додаде дека спасувачите со часови внимателно отстранувале делови од урнатата рудница. Тој рече дека ниту еден од рударите се уште не е спасен.

- Advertisement -

Безбедносните стандарди најчесто се игнорираат во рударската индустрија во Пакистан, што доведе до повеќе инциденти и експлозии, често фатални, во последниве години.