До овој момент, до дипломатско-конзуларното претставништво во Тел Авив, 11 македонски државјани официјално побарале евакуација од Израел

Топ Вести - Слушај сега

До овој момент, до дипломатско-конзуларното претставништво во Тел Авив, 11 македонски државјани официјално побарале евакуација од Израел, соопшти Министерството за надворешни работи.

- Advertisement -

„Согласно последните информации, воздушниот простор останува затворен најмалку до понеделник. По неговото повторно отворање ќе бидат разгледани можностите и моделите за организирање евентуална евакуација, во согласност со околностите и безбедносната состојба. Во оваа фаза, препораката до нашите државјани е внимателно да ги следат официјалните известувања на израелските власти, да постапуваат согласно безбедносните протоколи и да останат во засолништа кога тоа е наложено“, соопшти МНР.

Во дипломатско-конзуларните претставништва во Доха и Абу Даби, заклучно со овој момент ниту еден македонски државјанин нема побарано евакуација, се додава во соопштението.

Министерството за надворешни работи и надворешна трговија, преку амбасадите во Тел Авив, Доха и во Абу Даби, како и преку дежурните служби, е во континуирана комуникација и целосное  на располагање на македонските државјани за потребна помош и координација.