Сè уште имаме хоспитализирани луѓе, но тоа се менува буквално од час во час, вели проф. Тешовиќ
На инфективната клиника денеска од грип почина шестгодишно дете, ни потврди проф. Горан Тешовиќ, раководител на Институтот за заразни болести на децата.
– За жал, едно дете почина, а имаме уште едно 11-годишно дете на интензивна нега на механичка вентилација кое има тешка форма на болеста – вели проф. Тешовиќ.
Починатото дете имало повеќе коморбидитети, како и друго дете кое било тешко болно, па проф. Тешовиќ предупредува дека вакцинацијата е неопходна. Како што е познато, најголем број заболени од грип оваа сезона, но и воопшто, се деца од предучилишна и училишна возраст.
– Сè уште имаме хоспитализирани луѓе, но тоа се менува буквално од час во час. Повеќето деца се лекуваат во дневна болница, а хоспитализирани остануваат само оние кои имаат тешки форми и не можат да го продолжат лекувањето дома – вели проф. Тешовиќ додава дека најчести компликации се бактериска пневмонија, синузитис и целулитис.
Сепак, добрата вест е што има мало намалување на бројот на заболени. Имено, според проценката на проф. Тешовиќ, бројот се намалил за околу 15 проценти во текот на викендот, особено кога се зборува за првите прегледи.
– Досега сме имале околу 120 прегледи за викендите, така што има благ пад. Сепак, тој врв ќе трае уште две до три недели – вели проф. Тешовиќ.
Инаку, минатата недела беа примени 5.507 пријави за заболени од грип, со што вкупниот број достигна околу 25.000. Сепак, треба да се нагласи дека реалната бројка е секако најмалку три пати поголема бидејќи не секој оди на лекар. Исто така, во споредба со неделата претходно, има видливо намалување на регистрациите, за повеќе од илјада, бидејќи тогаш имало 6.864 пациенти, пишува Јутарњи.
