ДЕЈВИД БЕКАМ Е ПРВИОТ БРИТАНСКИ МИЛИЈАРДЕР ОД СПОРТОТ

Поранешниот англиски фудбалер Дејвид Бекам стана првиот британски спортски милијардер, објави денеска „Сандеј Тајмс“ во најновата листа со најбогати луѓе во Велика Британија за 2026 година.

Заедничкото богатство на Дејвид Бекам и неговата сопруга Викторија Бекам се проценува на 1,185 милијарда фунти.

Поранешниот капитен на англиската фудбалска репрезентација денес е косопственик на Интер Мајами, кој се смета за највредна франшиза во американската МЛС лига, со проценета вредност од 1,45 милијарда долари.
Бекам, кој беше прогласен за витез минатата година, исто така, има големи примања и како амбасадор за брендовите „Адидас“ и „Хуго Бос“.

- Advertisement -

Голем дел од богатството на Викторија Бекам доаѓа од модната компанија што ја изгради по нејзината светска слава со групата „Спајс грлс“.