Дебакл на Трамп, „синиот бран“ ги однесе и Сенатот и Конгресот

Демократската партија освои мнозинство во двата дома на Конгресот на САД, нанесувајќи му тежок политички удар на актуелниот претседател Доналд Трамп.

Според проекциите на NBC, демократите ќе освојат дури 255 места во Претставничкиот дом, со што ќе обезбедат комотно мнозинство.

- Advertisement -

Во Сенатот освоија најмалку 53 места.

Демократската партија се надева и на победа на кандидатката Мери Пелтола на Алјаска, каде што избирачките места се затворија во 7 часот по македонско време.

Со ваквиот изборен резултат, демократите во следните две години ќе имаат целосна контрола врз двата дома на Конгресот. Ќе ги преземат и сите конгресни комисии, вклучително и правосудната, а веќе најавија истраги за коруптивни активности на Трамп и неговите соработници.

За Трамп ова значи губење на поддршката во Конгресот што ја имаше на почетокот на мандатот, пред помалку од две години. Тој веќе најави дека ќе го користи претседателското право на вето за законите што ќе ги усвои новиот состав на Конгресот.

Сепак, демократите ќе мора да почекаат до средината на јануари за официјално да ја преземат контролата, кога новоизбраните членови на двата дома ќе ги преземат своите мандати.