Дали откривањето на оваа ракетна база е провокација?

Воздушно-вселенските сили на Иранската револуционерна гарда (ИРГЦ) денеска покажаа, како што го нарече државната телевизија, подземен ракетен град.

Ракетната база беше откриена од командантот на ИРГЦ, Хосеин Салами, и шефот на воздушно-вселенскиот сектор Амир-Али Хаџизадех, објави агенција Тасним, која е тесно поврзана со ИРГЦ.

Според извештајот на Тасним, базата била користена во иранските ракетни напади врз Израел во операции што Исламската Република ги нарече „Вистинско ветување 1“ ( True Promise 1) и „Вистинско ветување 2“ ( True Promise 2) во април и во октомври 2024 година.

- Advertisement -

„Вулканот што се наоѓа под овие планини може да еруптира во најкус можен рок“, се наведува во извештајот на државната телевизија.

Претходно истиот ден, Салами рече дека Иран има повеќе проектили отколку што може да складира, отфрлајќи ја, како што ја нарече, непријателската пропаганда дека иранските вооружени сили се ослабени по повторените израелски напади врз Иран и врз неговите сојузници.