Бајден ги додели медалите на слободата, меѓу добитниците беа Хилари Клинтон и Сорос

Бајден ги додели медалите на слободата, меѓу добитниците беа Хилари Клинтон и СоросБајден ги додели медалите на слободата, меѓу добитниците беа Хилари Клинтон и Сорос
Американскиот претседател Џо Бајден вечерва во Белата куќа им додели Медал на слободата на 19 лица, меѓу кои и културни икони, политичари и активисти. Меѓу добитниците на највисоката цивилна награда во САД се поранешната државна секретарка Хилари Клинтон, милијардерот Џорџ Сорос, главната уредничка на Vogue Ана Винтур и пејачот на U2 Боно.

Џо Бајден почести 19 поединци, бидејќи тие се „добри луѓе кои дадоа исклучителен придонес за својата земја и светот“, соопшти денеска Белата куќа.

Меѓу добитниците на наградата се и филантропот и дарежлив донатор на американските демократи Џорџ Сорос и поранешната државна секретарка и политичарка Хилари Клинтон, која загуби од Доналд Трамп на претседателските избори во 2016 година.

- Advertisement -

Наградата постхумно ќе ја добие и државниот јавен обвинител и сенатор Роберт Френсис Кенеди, брат на поранешниот претседател на САД Џон Ф.

На листата е и ирскиот пејач Боно, чие вистинско име е Пол Дејвид Хјусон, познат по кампањите против сиромаштијата и поддршката на пациентите со СИДА, како и Ана Винтур, која е главна уредничка на модниот магазин Вог од летото на 1988 година и, меѓу другото, помогна да се соберат повеќе од 20 милиони долари за истражување на СИДА.

Награди ќе добијат и филмските актери Дензел Вашингтон и Мајкл Џеј Фокс, фудбалската ѕвезда Лионел Меси, пензионираниот кошаркар на Лос Анџелес Лејкерс Меџик Џонсон и модниот дизајнер Ралф Лорен.

Меѓу добитниците на медалот се писателот, режисер и основач на Американскиот филмски институт Џорџ Стивенс Џуниор, научникот Бил Нај, филантропот Дејвид Рубинштајн и хуманитарниот работник и готвач Хозе Андрес, чија организација World Central Kitchen помага да се обезбеди храна за цивилите во воените зони. и области кои се погодени од природни катастрофи.

Претседателите на САД го доделуваат Медалот на слободата на поединци со извонредни достигнувања во политиката, науката, уметноста, филантропијата и други области.