Канадскиот премиер Марк Карни изјави дека земјата би можела да се сврти кон кинеските производители на автомобили доколку трговските разговори со американскиот претседател Доналд Трамп не го обезбедат опстанокот на интегрираната северноамериканска автомобилска индустрија. Изјавата на Карни доаѓа пред клучниот состанок со кинескиот лидер Си Џинпинг.
Тој ја даде изјавата во Камбоџа, пред состанокот со кинескиот претседател Си Џинпинг планиран за оваа недела во Шенжен. Главната тема на разговорот треба да биде производството на автомобили.
Двајцата лидери веќе постигнаа договор во јануари што ѝ овозможува на Канада да увезува десетици илјади кинески електрични возила по намалени царини.
– Имаме најдобри работници во автомобилската индустрија во светот и сакаме тие да бидат целосно ангажирани и да имаат максимални можности на интегрираниот северноамерикански пазар.Тој пазар стана помалку поврзан поради трговските потези на САД – изјави Карни.
Тој нагласи дека преговорите со САД остануваат приоритет, но нивниот исход би можел да одреди дали Канада ќе бара алтернативи меѓу европските, кинеските или јапонските производители.
Еден ден претходно во Манила, Карни изјави дека секој трговски договор со Вашингтон мора да ја остави Канада со одржлива автомобилска индустрија.
Новинарите го прашаа дали потенцијалните кинески инвестиции се користат како лост во преговорите со САД.
-Не е притисок, туку акција и реакција. Ако нашите работници не се искористат целосно во северноамериканскиот контекст, се отвораат други можности. Kанада ќе продолжи напред во секој случај – одговори Карни.
Форд, Џенерал Моторс и Стелантис – имаат фабрики низ Канада, САД и Мексико. Деловите понекогаш ја преминуваат границата повеќе пати пред да се состави возилото. Трамп постојано бара од производителите да го преместат производството од Канада во САД.
Карни нагласи дека секоја кинеска инвестиција мора да вклучува сериозно производство во Канада, а не само склопување на увезени делови. Тој објасни дека се неопходни соодветни работни стандарди, производствени капацитети и домашни синџири на снабдување што би се прошириле со текот на времето. Ова вклучува употреба на канадски критични минерали потребни за електрични возила.
– Не може да станува збор само за склопување готови комплети. Мора да има вистинско производство -рече тој.
Според јануарскиот договор, Канада ја намали царината за кинески електрични возила од 100 на 6,1%. Така, во првата фаза е дозволен годишен увоз до 49.000 возила, а се планира постепено зголемување на квотата. За возврат, Кина се согласи да ги намали царините за канадските земјоделски производи, вклучително и канолата.
Карни во тоа време рече дека очекува договорот да привлече кинески инвестиции во канадската автомобилска индустрија и да создаде нови работни места.
Договорот беше критикуван од премиерот на Онтарио, Даг Форд. Провинцијата е центар на канадската автомобилска индустрија, а Форд предупреди дека увозот на кинески електрични возила може да ги загрози работните места во Канада и да го комплицира пристапот до американскиот пазар.
Царините на Трамп веќе ја нарушија канадската автомобилска индустрија, која во голема мера се потпира на прекугранично производство. Канада неодамна се закани дека ќе го тужи Стелантис откако производителот го премести планираното производство на Џип Компас од Брамптон, Онтарио, во Илиноис и се согласи да го продаде својот затворен канадски објект.
Карни во саботата рече дека опширно разговарал со Трамп и високи американски претставници. Тој рече дека двете земји напредуваат кон можен трговски договор, иако разликите остануваат.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
