Автомобил удри дете во Кочани

Седумгодишно дете е тешко повредено откако било удрено од автомобил на улицата Стамен Манов во Кочани, информираше полицијата.

Несреќата се случила вчера околу 17:30 часот, кога патничко возило „цитроен“ со кочански регистарски ознаки, управувано од 40-годишниот Ј.М. од Кочани, удрило во детето.

Во судирот малолетникот се здобил со тешки телесни повреди, кои биле констатирани во Јавната здравствена установа во Кочани.

- Advertisement -

По несреќата, по наредба на јавен обвинител, увид на местото извршила екипа од ОВР Кочани. Се утврдуваат околностите под кои се случил настанот.