Американка стана хит со своето прашање на Мундијалот

Американка која се подготвувала за натпреварот меѓу САД и Босна и Херцеговина ненамерно предизвика вистинска бура на социјалните мрежи, откако јавно праша зошто нејзината репрезентација мора да игра против „две земји“.

Необичната објава за кратко време стана вирална, а илјадници корисници се вклучија во шегите што следуваа.

„Зошто играме против Босна и Херцеговина?“

Сè почнало кога корисничка на платформата Threads го поставила прашањето што веднаш го привлече вниманието на интернетот.

- Advertisement -

„Зошто, по ѓаволите, мора да играме против две земји во нокаут фазата на Светското првенство, додека сите други играат само против една? Зошто играме против Босна и Херцеговина?“, напишала таа.

Објавата брзо почнала да се споделува, а најмногу реакции предизвикал одговорот што пристигнал од БиХ.

„Босна почнува, Херцеговина влегува во второто полувреме“

Една Босанка решила на духовит начин да ѝ ја „објасни“ ситуацијата.

„Како Босанка, ќе објаснам како функционира тоа. Босна ја почнува играта, а Херцеговина влегува од клупата по полувремето“, напишала таа.

Токму овој коментар стана најсподелуваниот дел од целата преписка.

„Ќе ги победиме и двете“

Американката не останала должна и продолжила во истиот тон.

„Вау! Тоа е измама и прилично сум сигурна дека ќе ги победиме во секој случај“, возвратила таа.

Но и одговорот од босанска страна бил подготвен.

„ФИФА ни дозволува да го правиме тоа, така што не е измама. И немојте да бидете толку сигурни, ја победивме Италија“, ѝ одговориле низ шега.