Охрид/Скопје – Со пораката „Ниту една повеќе“, граѓани денеска ја блокираат зградата на Владата. Тие изразуваат револт поради, како што велат, непостапувањето на институциите во повеќе случаи на родово базирано и семејно насилство. Револтот по последниот случај „Сара“ во Охрид не стивнува и укажува на сериозни пропусти на правосудниот систем. Граѓаните го прашуваат дали тие пропусти се резултат на небрежност или на нешто повеќе.
Охридскај дознава информации што ја доведуваат во прашање официјалната верзија за тоа кој го води предметот.
Според наши информации, предметот „Сара“ продолжува да го води и да постапува основниот јавен обвинител Стојанче Арнаудов. Тоа е спротивно на она што јавноста беше брифирана, дека предметот го презела обвинителката при ОЈО Охрид Викторија Коваческа Мандулоска.
Изворот на Охридскај („свиркач“ од правосудството) тврди дека улогата на Коваческа Мандулоска била ограничена. Според него, таа ја сослушала оштетената, бидејќи станува збор за женско лице, и дека целта била „да се амортизира ударот од јавноста“.
Според истите наводи, првичната правна квалификација била лесна телесна повреда, дело што по правило се гони по приватна тужба. Притисокот врз Арнаудов и врз Државниот јавен обвинител Ненад Савески бил толку голем што, според изворот, дури во 15 часот на критичниот ден настанало новото обвинение.
Сега Кристијан Корабоски се терети за три кривични дела:
За осомничениот важи презумпција на невиност. Вина може да утврди само судот.
На Корабоски му е одреден 30-дневен притвор. Рочиштето пред Основен суд Охрид е закажано за 27.11.2026 година, само десетина дена по настанот. Судењето е по брза постапка. Судечки судија е Александра Поп Стефанија.
Јавноста со право го поставува прашањето дали вакви брзини гледаме во секој предмет, или само кога го следи вознемирена јавност и кога притисокот е најголем.
Според изворот на Охридскај, обвинителот Арнаудов ќе бил задоволен и со казна од една година условна осуда и со укинување на мерката притвор. Охридскај нема официјална потврда за ова тврдење. Затоа го објавуваме како наши сознанија од извор и го ставаме на проверка пред јавноста и пред институциите.
Законот за тешка телесна повреда предвидува затвор од шест месеци до пет години за основниот облик, а за особено тешки последици од една до десет години. Затоа не е небитно како ќе изгледа конечната обвинителска позиција на крајот.
Од Државниот јавен обвинител Ненад Савески бараме јасни, јавни и писмени одговори со рок:
Не прифаќаме одговор „постапката е во тек“ и не прифаќаме молк. Молкот на Државното јавно обвинителство, додека улиците се полни со револтирани граѓани, е само ново оправдување за недовербата.
Ќе го следиме рочиштето на 27 ноември и секој чекор на обвинителството. Правото на одговор го имаат сите споменати во текстот. Ќе го објавиме секое нивно оградување или демант во целост.
С.Денесовски
Tagged as:
Александра Поп Стефанија блокада на Влада брза постапка Викторија Коваческа Мандулоска Кристијан Корабоски Ненад Савески Ниту една повеќе ОЈО Охрид Основен Суд Охрид Основно јавно обвинителство Охрид охридскај правосудство Притвор родово базирано насилство Сара Семејно насилство скандал случај Сара Стојанче Арнаудов тешка телесна повреда условна осуда
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
