Алжирските власти започнаа со работа на нивниот дел од Транссахарскиот гасовод, заеднички проект со Нигерија и Нигер, кој би можел да транспортира околу 30 милијарди кубни метри природен гас до Европа годишно.
Проектот, чија вкупна должина е 4.128 километри, се проценува на помеѓу 13 и 20 милијарди долари, и предвидува транспорт на нигериски гас преку териториите на Нигер и Алжир до европскиот пазар.
Гасоводот почнува од регионот Вари во Нигерија (околу 1.037 км), минува низ Нигер (околу 781 км) и завршува во гасниот центар Хаси Р’Мел во Алжир (околу 2.310 км), од каде се поврзува со постоечките медитерански гасоводи кон Европа. Предвидено е да транспортира до 30 милијарди кубни метри природен гас годишно.
Инвеститори на проектот се државните енергетски компании на трите земји – нигериската NNPC, алжирската Sonatrach и нигерската SONIDEP.
Алжирската компанија Sonatrach презеде обврска да ја финансира и гради делницата низ Нигер, чиј почеток на терен се очекува на почетокот на 2027 година.
Проектот претставува важна алтернатива за диверзификација на изворите на енергија и дополнително намалување на зависноста од рускиот гас.
Иницијативата има за цел да ја поттикне индустријализацијата, да отвори работни места и да ги намали загубите од согорување на гасот при експлоатација на нафта во Нигерија.
Покрај економската важност, проектот има и поширока геополитичка димензија, бидејќи Алжир се стреми да го зајакне своето влијание во регионот Сахел по повлекувањето на француските сили од три земји, вклучувајќи го и Нигер.
Безбедноста и политичката нестабилност во областа го поттикнаа Алжир да преземе поактивна улога, вклучително и испраќање воени сили за заштита на енергетските капацитети во Нигер.
Алжир очекува гасоводот да придонесе за економски развој, да ја зајакне својата позиција како важен извозен центар и транзитна земја за енергетски производи во Африка и да отвори нови можности за инвестиции во јаглеводородниот сектор.
Енергетскиот експерт Шуаиб Бутемин смета дека транссахарскиот гасовод би можел да стане двигател за развој на земјите од Сахел, особено Нигер, кој нема пристап до морето ниту пристап до Медитеранот.
Бутемин изјави дека Алжир е најголемиот извозник на природен гас во Африка и втор најголем снабдувач на гасовод во Европа, додавајќи дека Европската Унија се стреми да го диверзифицира своето снабдување и целосно да се откаже од рускиот гас до 2027 година.
Проектот е конкурентски на најголемиот Африканско-атлантскиот гасовод (AAGP) кој го покренаа земјите-членки на Економската заедница на западноафриканските држави (ECOWAS). Проектот е проценет на околу 25 милијарди американски долари, ќе ги поврзе Нигерија и Мароко со гасовод долг речиси 6.800 километри, кој ќе поминува низ 13 африкански земји долж атлантскиот брег.
Мароканскиот проект предвидува транспорт на околу 20 милијарди кубни метри гас годишно, од кои половина би биле наменети за европскиот пазар. Но има проблем да обезбедо доволни количини гас.
Tagged as:
ПОЧНА ИЗГРАДБАТА НА ТРАНСАХАРСКИОТ ГАСОВОД
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
