Background

Голема надеж за пациентите со рак на панкреасот: Нова таблета ги намалува или елиминира туморите кај некои пациент

Експертите го опишуваат овој лек како најзначаен напредок во третманот на ракот на панкреасот во последните неколку децении.

Станува збор за таблета што се зема секојдневно, а која, според извештаите на Би-Би-Си (BBC), ги намалува – а кај некои пациенти можеби дури и целосно ги елиминира – туморите поврзани со еден од најсмртоносните и најтешките за лекување видови рак.

Кај еден од секои 12 пациенти кои примале „дараксонразиб“ (daraksonrazib) во комбинација со хемотерапија за време на раните клинички испитувања, ракот повеќе не бил видлив на снимките.

- Advertisement -
Ad image

Растот на туморот запрел кај речиси сите 61 учесник во испитувањето, на кои неодамна им бил дијагностициран напреднат рак на панкреасот, проширен и на други делови од телото.

Сепак, лекарите нагласуваат дека е прерано да се утврди колку долго лекот може да ја држи болеста под контрола и дека тој не треба да се смета за целосен лек.

Исклучително охрабрувачки резултати
Организацијата „Cancer Research UK“ го опиша ова како „најголем пробив во последните децении“ за оние кои боледуваат од рак на панкреасот.

Д-р Сем Годфри, од оваа хуманитарна организација, изјави за „BBC News“ дека резултатите се исклучително охрабрувачки.

„Овој нов лек успеа да делува врз цел која претходно се сметаше за ’недофатлива‘ со лекови.

Конечно гледаме напредок во третманот на ракот на панкреасот – напредок што долго време беше потребен“, рече тој. Познато е дека ракот на панкреасот е исклучително тежок за лекување и има најниска стапка на преживување меѓу сите вообичаени видови рак во Обединетото Кралство.

Иако хемотерапијата може до одреден степен да ги намали туморите, ракот често повторно почнува да расте.

Повеќето пациенти со напредната болест живеат со месеци, а не со години.

Лекарите се надеваат дека новата терапија би можела да им обезбеди на пациентите повеќе време, дури и ако не може трајно да ја запре болеста.

Испитувањето траеше во просек година и пол, а кај некои пациенти ракот не се врати во текот на тој период.

Потребни се долгорочни истражувања за да се утврди дали болеста може да влезе во ремисија кај одредени пациенти и колку долго би можела да трае таквата состојба. Во клиничко испитување од фаза I/II беа забележани следниве резултати:

Кај 90 отсто од пациентите, растот на туморите запре.
Кај нешто повеќе од 60 отсто од пациентите, туморите се намалија или целосно исчезнаа.
Кај околу осум отсто од пациентите – односно еден од 12 – туморите повеќе не можеа да се детектираат на КТ-снимките.
Подолго преживување
Д-р Вунгки Парк од Центарот за рак „Меморијал Слоан Кетеринг“ (Memorial Sloan Kettering Cancer Center) во САД, кој учествува во испитувањето, изјави дека досегашните резултати се исклучително охрабрувачки. „Почнуваме да забележуваме не само повисока стапка на одговор на туморот кон терапијата, туку и позначајно намалување на туморот, како и речиси двојно подолго времетраење на контролата врз болеста. На крајот, ова би можело да резултира со подолго преживување на пациентите“, рече тој.

Дараксонрасиб (Daraksonrasib) е лек што припаѓа на класата на инхибитори на протеинот KRAS, а кој веќе е одобрен во САД. Тој делува така што се врзува за специфични мутации, познати како RAS, и ги блокира. Овие мутации се присутни кај поголемиот дел од случаите на рак на панкреасот и го поттикнуваат растот на туморот.

Слични мутации можат да се појават и кај десетици други видови рак, вклучувајќи ги ракот на белите дробови и ракот на јајниците, што значи дека овој лек би можел да им помогне и на голем број други пациенти.

Д-р Годфри изјави: „Се надевам дека раниот успех што го гледаме во третманот на ракот на панкреасот би можел да се примени и кај други видови рак“.

Тој нагласи дека се потребни подолготрајни клинички испитувања и дополнителни резултати.

„Ракот може да се врати, па дури и ако снимките не покажуваат знаци на болеста, тоа не мора да значи дека лицето е целосно ослободено од ракот. Потребно е да помине повеќе време пред да можеме да бидеме сигурни во тоа“, објасни тој. Професорката Елена Гаралда, претседавач со Симпозиумот EORTC–NCI–AACR 2026 – европски собир посветен на истражување на ракот, каде што овие резултати им се претставуваат на други лекари – изјави:

„Овие резултати се охрабрувачки бидејќи покажуваат дека комбинираната терапија би можела значително да го продолжи вкупното преживување на пациентите, како и времето пред туморите повторно да почнат да растат.“

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖