Украинскиот претседател Володимир Зеленски потврди дека украинските сили денеска повторно го нападнале Кримскиот мост, кој ја поврзува Русија со Крим. Тој откри дека нападот бил последната фаза од операцијата што траела неколку недели.
Според Зеленски, украинските сили ги погодиле и патниот и железничкиот дел од мостот. Тие користеле голем број домашно оружје во нападот, вклучувајќи дронови „Палјанчица“, „Рута“ и „ФП-5 Фламинго“, како и противбродски ракети „Нептун“.
Зеленски објави на Телеграм дека нападот бил седма фаза од операцијата подготвена и координирана од Безбедносната служба на Украина (СБУ) и Генералштабот на украинските вооружени сили.
„Денес секој може да ги види последиците за главната рута за воено снабдување од руска територија до нашиот украински Крим“, објави Зеленски.
Тој објасни дека во текот на изминатите недели украинските сили постепено уништувале руски системи за воздушна одбрана, радари, средства за електронско војување и други однапред одредени цели во областа по должината на рутата до мостот. Целта на овие напади била да се ослаби руската одбрана за да може украинското оружје да го погоди самиот мост.
„Во клучната фаза, дроновите „Палјанчи “работеа беспрекорно и го погодија патниот дел од мостот, додека ракетите „Нептун“, заедно со дроновите „Рута“ и „ФП-5“, го погодија железничкиот дел“, рече Зеленски.
Тој додаде дека украинските сили го користеле и системот Фламинго за прецизни напади, при што комуникациската врска останала активна до последните секунди од операцијата.
Руските власти потврдија дека Кримскиот мост е нападнат втор ден по ред.
Сергеј Аксјонов, водачот на Крим поставен од Москва, објави дека сообраќајот преку мостот е прекинат по новиот украински напад.
Руските претставници претходно тврдеа дека штетата по првиот напад, на 16 ноември е мала и дека сообраќајот може постепено да се обнови. Сепак, по новиот напад се појавија снимки и фотографии што укажуваат на посериозна штета на структурата на мостот.
Точниот обем на штетата и тврдењата дека дел од мостот се урнал сè уште не се независно потврдени.
Кримскиот мост е долг околу 19 километри и го поврзува рускиот крај Краснодарски со полуосторвот Крим, кој Русија го смета за своја територија по референдумот во 2014 година. Мостот има посебни патни и железнички делови и е важен за сообраќајот меѓу Русија и Крим, вклучително и за снабдувањето на руските воени сили на украинските фронтови. Мостот го изгради Русија откако го вклучи Крим восвојата територија. Патниот дел беше отворен во 2018 година, а железничкиот сообраќај почна во 2019 година.
Украина го нападна мостот неколку пати за време на војната. Во октомври 2022 година мостот беше оштетен од експлозија на камион, а во јули 2023 година украински поморски беспилотни летала го погодија неговиот патен дел.
Новите напади на 16 и 17 ноември повторно го нарушија сообраќајот преку мостот, а руските власти сè уште не објавија кога би можел целосно да биде обновен.
Микола Лукашук, претседател на Регионалниот совет на Дњепропетровск објави дека дел од мостот е урнат.
„Лакот на патниот дел од Кримскиот мост се урна во морето по новиот украински напад. Мостот беше нападнат по втор пат во една ноќ“, напиша Лукашук на Телеграм.
Портпаролот на Кремљ, Дмитриј Песков, рече дека мостот на Крим ќе биде обновен без сомнение и ќе биде уште подобар од претходно. Тој најави брза санација на штетата.
– Ќе биде утврден конкретен план. Ќе бидат утврдени редоследот и временските рамки за реконструкцијата – рече Песков.
Руската влада објави дека вицепремиерот Марат Хушнулин веќе го информирал претседателот Владимир Путин за ситуацијата на мостот и дека наскоро ќе се состане владината комисија за отстранување на последиците од нападот и за организирање на сообраќајот.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
