Доли Партон постхумно доби три номинации за престижните музички награди Греми, помалку од три месеци по нејзината смрт на 80-годишна возраст. Легендарната кантри-пејачка е номинирана во две категории за соработки со други изведувачи, како и за аудиоверзијата на своите мемоари „Star of the Show: My Life on Stage“.
Една од номинациите е за песната „Butterfly“, која ја сними со „Зак Браун бенд“, а втората е за новата верзија на нејзината песна „Light of a Clear Blue Morning“ од 1977 година. Во неа, покрај Партон, пеат и нејзината кумашинка Мајли Сајрус, Лени Вилсон, Квин Латифа и Риба Мекинтајр. Песната беше објавена во јануари, по повод 80-тиот роденден на Партон, а сите приходи од неа и од видеоспотот беа наменети за истражување на детскиот рак во детската болница „Монро Карел Џуниор“ во Нешвил.
Сајрус емотивно реагираше на номинацијата, споделувајќи спомен од Доли. Таа откри дека добила од неа оригинална плоча од албумот „New Harvest… First Gathering“, на кој првично се појавила песната „Light of a Clear Blue Morning“.
– Мојата тетка Доли е една од најголемите авторки на песни што светот некогаш ги имал. Таа никогаш не правеше музика за признанија, туку за да го направи светот посреќно место преку своите песни – напиша Сајрус. Таа додаде дека номинацијата заедно со Доли, Лени Вилсон, Квин Латифа и Риба Мекинтајр е прекрасен начин да се оддаде почит на нејзиното огромно срце.
– Ми недостига да ми се јавува во вакви големи денови, но ја чувствувам во секој момент. Те сакам, тетка Доли -, порача пејачката.
Со трите нови номинации, вкупниот број номинации за Греми на Партон достигна 58. Таа првпат беше номинирана во 1992 година, а досега освоила 10 Греми награди. Нејзината прва победа беше во 2000 година, за соработката со Емили Харис и Линда Ронстад на песната „After the Gold Rush“.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
