Background

ИСКРА ХАЏИ ВАСИЛЕВА ЈА ПРЕЗЕДЕ ДОЛЖНОСТА ШЕФ НА ОЈО ГОКК

Јавната обвинителка Искра Хаџи Василева ја презеде раководната функција во Основното јавно обвинителство за гонење организиран криминал и корупција од својот доскорешен шеф Ислам Абази.

На свеченото примопредавање во просториите на Обвинителството, Абази на колешката што ќе го наследи ѝ подари цвеќе.

Хаџи Василева кратко рече дека просториите ѝ се добро познати, но сега има поинакво чувство за амбиентот поради новата позиција.

- Advertisement -
Ad image

Таа и досегашниот шеф на ОЈО ГОКК, останаа на кратка средба зад затворени врати, по што ќе заминат во Јавното обвинителство на средба до државниот јавен обвинител Ненад Савески.

Искра Хаџи Василева е четвртиот јавен обвинител кој застанал на чело на ОЈО ГОКК. Таа 11 години е јавен обвинител, а во ОЈО ГОКК е од 2024 година.

Таа со 64 гласа беше избрана 28 октомври на непосредни избори на кои гласаа сите обвинители од Македонија.

Покрај неа, кандидати беа и Трајче Пеливанов од Вишото јавно обвинителство Скопје, Јован Цветановски, исто така од ВЈО Скопје, Фатон Азизи од ОЈО ГОКК и Лидија Раичевиќ од ОЈО Скопје.

По давањето на свечената изјава пред Советот на јавните обвинители, новоизбраната раководителка на ОЈО ГОКК порача дека нејзини главни приоритети ќе бидат ефикасен кривичен прогон, целисходна работа на Обвинителството и максимално искористување на расположливите ресурси во борбата против организираниот криминал и корупцијата.

Таа најави заложби за поефикасно користење на постојните капацитети и обезбедување дополнителни ресурси, со цел да се постигнат подобри резултати.

Абази се враќа во Вишото јавно обвинителство Гостивар, од каде што дојде откако беше избран за шеф на ОЈО ГОКК во 2022 година

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖