Руски дрон погоди патнички воз во Украина, најмалку 13 мртви. Зеленски даде соопштение

Најмалку 13 лица загинаа, а пет се повредени во рускиот напад врз железничката станица во украинскиот град Днепар утрово.

Целта на нападот беше патнички воз кој се подготвуваше да тргне кон Запорожје. И покрај предупредувањето за воздушен напад и известувањата за зголемена закана, луѓето сè уште беа на перонот, објавија Украинските железници.

Според објавата на Украинските железници на социјалните медиуми, возот се подготвуваше да тргне кон Запорожје кога станицата беше нападната од руски дрон со млазен погон, објави Киев Индепендент.

- Advertisement -

Службите за итни случаи пристигнаа на местото на настанот по нападот. Гувернерот на областа Днепропетровск, Олександр Ханжа, објави дека медицинските екипи им пружаат прва помош на повредените.

Нападот врз Днепар е најновиот во серијата руски напади врз украинската железничка инфраструктура. Во последните месеци, нападите беа насочени и кон патнички возови, дополнително загрозувајќи го цивилниот сообраќај и безбедноста на патниците.

„Време е за нови, посилни чекори во санкциите“
„Русите извршија напад со беспилотно летало на перонот каде што стоеја обичен приградски воз и редовен патнички воз. За жал, досега е потврдено дека 13 лица се мртви. Моето сочувство до нивните семејства и најблиските. Уште десет лица се повредени. Сите потребни служби за итни случаи работат на местото на настанот.

Колку терористички напади изврши Русија против нашиот народ откако беа укинати санкциите против одредени руски олигарси и рускиот енергетски сектор, наместо да се деескалираат? Токму затоа Украина отсекогаш велеше дека е потребна фер и решителна акција од страна на Америка и Европа како одговор на руската ескалација – санкциите против Москва и нејзината воена машинерија не смеат да се ублажат сè додека оваа руска војна продолжува. Време е за нови, посилни чекори во санкциите од страна на ЕУ, САД и Г7. Им благодарам на сите што се подготвени да помогнат на овој начин“, објави украинскиот претседател Володимир Зеленски.