Нови цените на горивата во Србија, важат до следниот петок

Објавени се цените на горивата – за евродизел и бензин – кои ќе важат до петок, 30 октомври.

Од денес во 15:00 часот, па сè до 15:00 часот во петок, 30 октомври, максималната цена за еден литар евродизел ќе изнесува 236 динари, додека цената за еден литар бензин „Еуропремиум БМБ“ ќе биде 207 динари, пренесува „Данас“.

Станува збор за истите цени што важеа и во текот на изминатите неколку недели.

- Advertisement -

Поради тековната ескалација на конфликтот на Блискиот Исток, цената на суровата нафта од типот „Брент“ веќе извесно време се задржува над 100 долари за барел, што придонесува за раст на цените на горивата на глобално ниво.

Владата на Србија – која моментално функционира во технички мандат – ја продолжи одлуката за намалување на акцизите за нафтените деривати за 25 отсто, при што оваа мерка ќе важи до 25 октомври.

На истата седница беше усвоена и измена на Уредбата за ограничување на цените на нафтените деривати, со што се продолжува примената на максималните цени до крајот на годината – поточно, до 31 декември 2026 година