Грција ги забранува социјалните мрежи за деца под 15 години

Во петокот, грчкиот парламент усвои закон со кој им се забранува на децата помлади од 15 години да користат платформи за социјални медиуми, поради зголемената загриженост за влијанието што овие платформи го имаат врз здравјето и безбедноста на малолетниците.

Забраната ќе стапи на сила на 1 јануари 2027 година, пренесува Ројтерс.

Минатата година, Австралија стана првата земја што донесе закон со кој се ограничува употребата на социјалните мрежи од страна на малолетници. Сличен закон, усвоен во Франција, беше поништен од Уставниот совет на земјата во август.

- Advertisement -

Грчкиот премиер Киријакос Мицотакис изјави дека платформите за социјални медиуми имаат рок од два и пол месеци да осмислат метод за проверка на возраста на корисниците, притоа штитејќи ја нивната приватност.

Грција е една од седумте земји-членки на Европската унија кои моментално работат со Европската комисија на изнаоѓање решение за проверка на возраста на корисниците.

Грција нагласува дека им дава поддршка на родителите во нивните напори да го ограничат „бесконечното лизгање“ (infinite scrolling) – практика што им го одзема сонот на децата, ја нарушува нивната концентрација и го намалува времето што го поминуваат со пријателите.