ГФК Охрид Лихнидос убедливо ја совлада Македонија Ѓорче Петров, Росиќ и Каланоски донесоа победа од 2:0

ГФК Охрид Лихнидос убедливо го совлада домаќинот Македонија Ѓорче Петров во Скопје со 2:0. Охриѓани го контролираа натпреварот од почеток до крај и ја заслужија победата.

Првиот гол за гостите го постигна најголемото изненадување во македонскиот фудбал, левиот офанзивен бек Давор Росиќ, во првото полувреме. Вториот гол го постигна голгетерот на првенството Каланоски, кој повторно докажа зошто е најопасниот напаѓач во Втората лига. Охриѓани имаа доминација цело време на натпреварот, а Втората лига како да не познава меч во кој Каланоски нема да се огласи. Така беше и овојпат, а ефективниот погодок на Каланоски ја заокружи убедливата победа на ГФК Охрид Лихнидос над Македонија Ѓорче Петров.