Белгија нарачува систем за противвоздушна одбрана NASAMS вреден 1 милијарда долари

Белгија го нарача норвешкиот систем за противвоздушна одбрана NASAMS преку договор вреден 918 милиони евра (1 милијарда долари), објави во средата белгискиот радиодифузер RTBF.

Договорот е потпишан со холандската агенција за набавки во одбраната, при што Холандија го набавува системот во име на Белгија.

Краен корисник ќе биде белгиското воено воздухопловство.

- Advertisement -

„Со набавката на системот NASAMS, Белгија ќе добие сигурна национална заштита од закани од воздух, а истовремено ќе придонесе за поголема безбедност во Европа“, изјави Еирик Ли, претседател и извршен директор на норвешката одбранбена компанија „Конгсберг“ (Kongsberg).

Почнувајќи од 2027 година, Белгија привремено ќе го изнајми системот NASAMS за да го забрза развојот на своите почетни капацитети за противвоздушна одбрана.

Системот е дизајниран за справување со закани од воздух со краток и среден дострел, вклучувајќи авиони, хеликоптери и крстосувачки ракети.

Белгија и Холандија заеднички набавуваат и дополнителни капацитети за противвоздушна одбрана, вклучувајќи системи „SkyRanger-30“ и напредна радарска опрема.

Се очекува вкупната набавка, вклучувајќи ја и муницијата, да чини приближно 3,1 милијарда евра.

╰┈➤ Програмата на телевизијата N1 можете да ја следите ВО ЖИВО на овој линк, како и преку апликацијата.