Украина и Финска потпишаа договор за заедничко производство на дронови

Украина и Финска во среда потпишаа договор за одбрана за соработка во производството на дронови. Договорот, кој овозможува трансфер на технологија, го потпишаа финскиот претседател Александар Стаб и украинскиот претседател Володимир Зеленски на маргините на 81-та сесија на Генералното собрание на ОН во Њујорк, објави француската новинска агенција АФП.

Финскиот претседател Александар Стаб на прес-конференција во врска со содржината на договорот објасни дека тоа ќе биде заедничко производство. Како пример, тој даде дека Украина би можела да произведува одредени модели на дронови во Финска, каде што би можело да биде „поефикасно и поевтино“.

„На Украина ѝ е потребна целата наша поддршка во својата борба. Во исто време, соработката е заемно корисна. Учејќи од искуството на Украина, ги зајакнуваме сопствените способности“, напиша Стаб на социјалните мрежи.

- Advertisement -

Зеленски го нарече договорот важен чекор „кон заедничка заштита на нашите народи“ и уште поблиско партнерство меѓу двете земји.

„Секогаш сме подготвени да споделиме со нашите најблиски пријатели што ни помогнало да заштитиме животи“, напиша украинскиот лидер на мрежата X.