ФИНАЛЕ НА ТУРНИРОТ „ОЛИВЕР СОКОЛОВ – СОКОЛ“

Полуфиналните натпревари на 22. Меморијален турнир „Оливер Соколов – Сокол“ донесоа многу возбуда, борбеност и квалитетен фудбал, а по двете интересни пресметки познати се екипите што ќе играат за трофејот.

Во првото полуфинале, Руди Компани обезбеди пласман во големото финале откако славеше со 3:1 против Кеги Моби СК 77777. Во вториот полуфинален дуел, по голема борба и неизвесен меч, Мега Лифтови и Јувентус БС Скеле одиграа 1:1 во регуларниот дел, по што Мега Лифтови беше поуспешна по пенал рулетот и победи со 4:3.

Со тоа, финалната пресметка ќе им припадне на Руди Компани и Мега Лифтови, две екипи кои со своите изданија покажаа дека сосема заслужено ќе се борат за победничкиот пехар.

- Advertisement -

Пред големото финале, љубителите на турнирот ќе имаат можност да проследат уште еден интересен натпревар. Во мечот за третото место, кој ќе се игра денеска, четврток, од 20:30 часот, ќе се соочат Јувентус БС Скеле и Кеги Моби СК 77777.

Круната на турнирот ќе биде ставена во недела, на 27.09., со почеток од 20:00 часот, кога на програмата е големото финале меѓу Руди Компани и Мега Лифтови.

За сите кои нема да можат да присуствуваат на игралиштето, натпреварот за трето место ќе можат да го следат и преку LIVE STREAM на Facebook и Youtube.