Најмалку 15 лица загинаа, а повеќе од 50 се повредени во бомбашки напад врз џамија во северозападен Пакистан, во близина на границата со Авганистан

Најмалку 15 лица загинаа, а повеќе од 50 се повредени во бомбашки напад врз џамија во северозападен Пакистан, во близина на границата со Авганистан.

Автомобил полн со експлозив удри во влезот на џамијата – сместена во рамките на полициски комплекс во градот Кохат, во провинцијата Хајбер-Пахтунхва – токму во моментот кога верниците се собираа за петочната молитва.

Според германската новинска агенција ДПА, најмалку 15 тела и повеќе од 50 повредени лица биле пренесени во болница во Кохат.

- Advertisement -

Д-р Тахир Шах изјави дека бројот на жртвите може дополнително да се зголеми, бидејќи неколкумина од повредените се во критична состојба.

Хајбер-Пахтунхва, провинција што граничи со Авганистан, во последниве години се соочува со чести напади врз пакистанските безбедносни сили и други цели.

Засега нема информации за тоа кој е одговорен за нападот.